زهيري عراقي

54321

ياروح كضي الوكت بنجوم السما عدي كل حبي لهذا الوطن ولغيرة ماعندي بس على دجلة امر وعالباقي ماعدي ومريض بحب الوطن شمحلة هيج عليل ودنيتي نهار اصبحت ماامر انا علليل ليش متنطي من المرض اذكر سبب علل جاوبت ماانطي المرض لان مو بيدي مااعدي
30/01/2011 , 265

المشاكس

54321

المشاكس

54321

بطلنه نكتب شعر صار الشعر ميهله و عل عليه موگد عله ماهو لهه ميهله العليه لهل العُلي الحيت بهم ميهله چانوا فخر للقلم و للأدب هم منهله وهسه يتيم القلم عگب المضوا منهله فاجد ينوح ويجر حسره و دمع منهله هله لهلهه و بچه و من الجفن ميهله
14/08/2010 , 263

المشاكس

54321

يلي نكرت العرف ولغيري صاحب تخم مدريت بمحبتك دلالي صابه تخم بهمومك اشرب والف ماصفه همك تخم وخطوط حبنا اصبحت ياحيف للف ورق يالبعتني بالرخص منكسر كلبك ورق وعداي من اهجرت بطبول دكو ورق تاليها وي العدو كاشخ وضارب تخم
14/08/2010 , 262

المشاكس

54321

انة ادري كلبي خشن والان كلبي .. نعم خالي ووسيع الصبر ربي وهبني .. نعم ومن احضة بمحبتك والله منك .. نعم مادام وبدنيتي مرني ودادك .. وهل والدمع من الفرح غركي اخدودي .. وهل تسالني عن داخلي؟ كلبي يحبك .. وهل بس انتة البداخلة كلبي يكلك .. نعم
14/08/2010 , 261

المشاكس

54321

كَلبي جم دوب منهم أضل >>> ساحلك وبخلكَي تلعب لعب والضن صفة >>> ساحة ألك وهالجفن وية السهر دم ودمع >>> ساح ألك وأطعني بيدك طعن لا أتظن أكَولن >>> هوة وحمل دليلي ذنب جيه لنة حب >>> وهوة جيتك سفينة أبحر تعبني روج >>>> وهوة ولمن وصلت الجرف نار أنكَلب >>> ساحلك
14/08/2010 , 260

المشاكس

54321

يــا صــاح جيت اســألك حظــي عجب مــايـلــي ومـن دون كــل الـــبشـر أعــوج يظــل مــايـلــي اسمعــنـي يـا صاحبي وأفهـم علــى مـا يلــي سـاكن معــاي الحــزن مــا يرحــل وأنسى وخــزن اجراح الــكلب ما شاف ابد ونسى الناس كلها بفـــرح تضــحك ومتونــــسى وانـــي يجينـي الفــرح يطـلع صفــح مايلـــي
14/08/2010 , 259

المشاكس

54321

يامن نسيت الذي بعمره الك خاطرة بالجذب ماظن على بالك ابد خاطرة وانه بدموع الهجر كاتب الك خاطرة صدكني هذا الكلب غيرك ابد ماهو ضل عالي علو النجم حبك ابد ماهو بالله اريد اسألك عن السبب ماهو الشايل منيه الك ليش اكسرت خاطرة...
14/08/2010 , 258

المشاكس

54321

يامنهل الروح روحي لو ترد من هلك ما جان طول العمر شكوه بدت من هلك تدري بهلاكي وتناشدني بدهر منهو لك منهلك غيري وغيرك ماهلكني احد اهلك رموني بتهم من نار هجرك احد سلمت امرك وامري وامرهم بايد واحد احد منك عسى الله ياخذ حوبتي ومن هلك ويعبر الكروان ونيني هههه
14/08/2010 , 257

المشاكش

54321

ياصاح اني اخوك لو جار الدهر صاحبك سكران بمحبتك ما يوم انا صاحي بك انهظم لو شفت غيري من الخلك صاحبك عندك دكايك شكثر تمرد كليبي مرد جم عاذل لامني واني العذولي مرد بس انته العرفتك ياجريم ومرد لكن الف ياحيف ما تعرف كدر صاحبك
14/08/2010 , 256

زهيري عراقي - - Iraqi zheri