يا اخي والله ذبحتنه الكتله الصدرية حايصين العراق حوص .. مصلحتهم الشخصية قوف الكل .. هسه فروهه على الدعوة .. وهم قبل زمان بسيط جانوا الفار والبزون ويه المجلس الاعلى .. الدور تعالوا طلعوا كل معتقلينا .. ما ادري شنو فلمهم اشيردون والله محد يعرف .. هيه هنا المشكلة عند افتقاد المسؤولية والقيادة الموحدة.. زين منو الوراهم عجيبة سالفتهم ... المجلس الاعلى بعد ذاك العز و الاغلبية هسه ياله 17 مقعد اي زين مفكرتوا ليش العالم ما انتخبوكم ... اما الفضيلة فلابدين وره المجلس والصدرية و همهم الوحيد تظل ايدهم بالنزاهة ورجلهم بالنفط وتمويلهم من جوه لجوه .. زين الدعوة .. بصراحة ماكو حزب دعوة .. اكو شخص المالكي فقط والباقين بيادق يحركهم ابكيفه ... زين العراقية بطيئة سياسيا ومعتمدة على عدم اتفاق الكتل الباقية وعلى الضغوط الخارجية فقط يعني هيبتهه فقط بعدد اصواتهه اكو كتل ماماخذه نص اصوات العراقية وحايصة المشهد السياسي .. متكلي يمته تتحركون تأتلفون شنو السويتوه من نتائج الانتخابات ليحد هسه ... اتكاليتهم عجيبة على الضغوط الخارجية ومراهنين عدم اتفاق الباقين فقط .. زين اشون راح اديرون دولة بعدين ما ادري ... وبين هذا وذاك يظل جاسم ابو اللبن يناحط على علاكته لحد ما يموت .. وتظل رسمية اتسوي سلف حته تسكف الغرفة الثانية .. واني ابقى افرش بالسطح من المغربية حته بلكت نسمه هوه من الله مو من غيره تمر واغفه عليهه
08-18-2010, 05:50 PM
وتاليته شنو ؟؟ -1- 
العرض العادي
